Пінчукі выдатна паказалі сябе на рэспубліканскім фестывалі "АРТ-вакацыі", які прайшоў у Маладзечна.
Праграма свята была насычанай і разнастайнай. Пачалася яна з мітынга каля плошчы Перамогі. Ветэраны Вялікай Айчыннай вайны выступілі перад навучэнцамі. Дэлегацыі ад кожнай вобласці ўсклалі кветкі да манументу. Для моладзі і гасцей былі арганізаваны інфармацыйна-рэкламныя пляцоўкі "Проф-старт", інтэрактыўная праграма "Алея маладых", прэзентацыя работ пераможцаў інтэрактыўнага праекта "Рэцытацыя", а таксама токшоу "Формула паспяховага выбара прафесіі".